زمان الصمت

>>>>> زمـ~ـ~ـ~ـان الصمـ~ـ~ـ~ـت <<<<<





دمعتي تكتب على صفحـة ألـم وأحـزان
وترتسم على خدي ظنها تقـدر تواسينـي
وأكتب بحبر الدمع فـي صفحتـي عنـوان
حزين(ن) في زمان الصمت والهم مشقيني
مالقيت في دربـي سـوى بحـر أشجـان
والمراكب أغرقتني وأشرعتهـا ماتنجينـي
أنا اللـي مـن لهفتـي للفـرح عطشـان
وللأسف مالقيت منهـو بالفـرح يسقينـي
عرفت أني مجموعة حزن بشاكلـة انسـان
ونبض القلـب يرتجـف مابيـن ضلعينـي
ضاع الأمل وصار الأسـى لـي الأوطـان
ومالقيت غير الدمع والآهات وحدها تداويني
ليـه الفـرح فـي دنيتـي أبـد مـابـان؟
وليه الجروح فـي صـدري دوم تكوينـي؟
وخيبة الرجا فينـي تشعـل لهـب نيـران
تستعر بين الحشـا وتحـرق دم شراينـي
أنا المغرم وأنـا المظلـوم وأنـا الشفقـان
وأنا اليائس وأنا البائس والسعـد يخلينـي
وأنا المهموم وأنا المغموم وأنـا الحيـران
وأنا اللي دمعتي دايـم تشكينـي وتبكينـي
أنا اللي الموت أنتظره ياخذني بالأحضـان
وطول العمر بين رمـش الجفـن والعينـي
أنا منيتي قبري وأنسـى شقـى الأزمـان
أضيق في وسع هالدنيا وقبري بس يكفيني
أنا ما أملك غيـر قلـب وعقـل ولسـان
والا حزن وألم وجـروح والهـم مطوينـي
هذي حياتي صرخـه فـي عالـم الكتمـان
وهذي أنا بإختصار صفحه بغير عناوينـي

مشكورة نورما

ننتظر المزيد

قصيدة جميلة وممتعة برغم الحزن الّذي يسكنها ويعترينا حين قراءتها
موزونة ومقفاة بوزن وقافية تساعد على إظهار الحزن وسحره في الكلمات
مشكورة نورما
سلامي لك مع خالص الود
ارال.

ليـه الفـرح فـي دنيتـي أبـد مـابـان؟
وليه الجروح فـي صـدري دوم تكوينـي؟
وخيبة الرجا فينـي تشعـل لهـب نيـران
تستعر بين الحشـا وتحـرق دم شراينـي

جميله الكلمات ومنمقه اشكرك على الحزن الساكن بين أحرفك

بالتوفيق

الجميع يبحث عن السعادة وقليل واجديها
وما من أحد يبحث عن الحزن
لكن كثيرون واجديه
قصيدة ممتعة حقآ
شكرآ لك